اكتشفت أن علاقتنا بالناس بتتشكل بحاجات ابسط مما نتصور ومع الوقت تلاقي في ناس قريبين قوي من قلبك بسبب الحاجات دي
مكالمة تليفون تسأل عليك بدون سبب
مسج تقولك سلامتك وأنت عيان أو كل سنة وانت طيب
بنجور وسميل في بداية اليوم على المسنجر من واحدة صاحبتي
مكالمة تليفون تسأل عليك بدون سبب
مسج تقولك سلامتك وأنت عيان أو كل سنة وانت طيب
بنجور وسميل في بداية اليوم على المسنجر من واحدة صاحبتي
دردشة مع حد من صحابك بعدها تحس براحة وانبساط
كلمة شكر ياه بتفرق قوي مش عرفة لية مابقتش بتتقال لأن لسبب مجهول بقى أي حاجة بتعملها بمرور الوقت بتتحول لواجب عليك مع أنها مش حتكلف حد لما يقلها أي حاجة بس بتحسس اللي قدامك بالتقدير
كلمة شكر ياه بتفرق قوي مش عرفة لية مابقتش بتتقال لأن لسبب مجهول بقى أي حاجة بتعملها بمرور الوقت بتتحول لواجب عليك مع أنها مش حتكلف حد لما يقلها أي حاجة بس بتحسس اللي قدامك بالتقدير
وحاجات تانية كتير كلها صغيرة يمكن مش بناخد بالنا منها بس بتفرق
15 comments:
الفتافيت دي هي اللي فيها الطعم كله..
آه صحيح..
جربي كده تدوسي play على المقطوعة الموسيقية اللي انتي حاطاها واقرأي التدوينة وانتي سامعاها كده :)
العلاقات الانسانية
بتنشأ بكل بساطة
لكن احنا احيانا بنحط نفسنا فى بوتقة
و مش بنطلع
لكن الكلمة ليها أثر بالغ
اللمسة أثرها فعال
البسمة سرها بااااتع
بس اللى يفهم
جزاكى الله خير
على الموضوع المتميز صراحة
د.حمـــــــاس
حاجه بسيطه بس متستبسطهاش
تعرفوا تقولوها 10 مرات بسرعة :)
الكلام إلى بجد بقى واللهى يا سلمى عندك حق الواحد فى دوامة الحياة بتغيب عنه المعانى ده مع إنها قد ايه بسيطه بس فعلا ليها تأثير قوى جدا
شكرا على الموضوع الجامد ده
والله ياسلمى مش عارفة أقولك ايه .. علشان إنت جميلة بس وقلبك طيب فبتقولي كده
ربنا يكتر في حياتك من الحاجات الصغيرة والكبيرة
سلامات يا سلمتنا
للأسف ان مش كلنا بناخد بالنا من الحاجات دي
امتى يكون عند الكتير مننا نظر لأبسط قواعد الذوق والأدب
ولينا في رسول الله صلى اله عليه وسلم قدوة حسنة
اللي يقرا سيرته هيطلع منها بدرر وحاجات جميلة وراقية
تذكرة جميلة ورقيقة
دمت بخير
Tab3an ya saloumty el kelma el tayba sadaka awo mawkef mofage2 7elwo men sha7's fag2ek bih kol dah biefre2 tab3an w bi7'alyna ne7es en el donia lyha ta3am mesh donia madya hat w 7'od
هي دي الحاجات الصغيرة اللي بتخلي الواحد قادر على الدنيا
وياريت متكنش صغيرة وتكون كبيرة ودايمة بين الناس
وحشتيني بجد يا سلمى اوي وكمان كل الناس اللى عندك
سلامي ليكي وللناس كلها
احلى حاجة في العلاقات الانسانية الحاجات البسيطة الرقيقة اللى بتفرق كتير .
زي وجودك كده في حياة الناس يا سلمى
عندك كل الحق يا سلمى
صحيح حاجات صغيرة ممكن تفرق
المهم العلاقات الانسانية ما تنقطعش
حتى لو حختفضل موصولة بمكالمة تلفون
انشاء الله مسد كول
رنة بس كده
هههههههههههه
خالص تحياتي
مدونتك هايلة
احمد
تحية ليكي ولمدونتك الهادية
:)
دى حقيقة فعلا
وبرضه العكس صحيح
ممكن موقف بسيط جدا
يكون فيه جزء بسيط من القسوة مثل عدم السؤال بيأثر جدا
زى مثلا لو واحد تعبان واقرب الناس ليه مسالش عليه دى كمان بتاثر
وبتفرق
زى مافى اشياء صغيرة بتاثر بالايجاب فى حاجات بتاثر بالسلب
تحياتى
من نفس منطق العلاقات الانسانيه
انا بقالي فتره ملاحظ انك مختفيه
لعل المانع خير يارب
سلامووووووووز
زى ما مصعب قال ف الاول
الفتافيت دى هى اللى فيها الطعم كله
الحاجات الصغيرة دى هى اللى بتدى الحياة طعمها وبتخلى الحياة تستمر
:)
سلمى يا جميل
كفاية بجد إنك لما بتدخللي مكان بتسلمي على كل اللي فيه وبتهتمي إنك توضحي لهم إهتمامك وعلى وشك إبتسامة حتى لو كان اليوم سيء أو فيه حاجة منكدة عليكي
كلمات زي .. شكراً... وشكلك حلو النهاردة... وسلامتك... كل ده بيفرق أوي في نفسية الواحد
ياريت نحافظ على الكلمات الحلوة دي ونهتم باللي حوالينا حتى لو كنا بنشعر بحزن
Post a Comment