Friday, August 15, 2008

قلبي ومفتاحه



قلبي صعب أمره حط على بابه ثلاث أقفال كل قفل بمفتاح


قفل مفتاحه الصدق مابيقبلش غيرة عنده حساسية من الكدب بيعرفه حتى لو متغلف بورق سوليفان


وقفل مفتاحه عقلي بيفرق بين الصح والغلط ، بيوزن الأمور بميزان مختلف ليه حساباته ومعاييره الخاصة بيه لوحده


أما الثالث فمفتاحه كلمة واحدة تحسسه بالأمان كلمة كل بنت بتستناها، كلمة سحرية حتكسر السدود وتلغي المسافات و تفتح باب لمشاعر وأحاسيس جميلة بريئة


وإذا أجتمع ثلاث مفاتيح مع بعض


هنا بس قلبي حيسلم أمره

16 comments:

Hossam said...

hello
it is ma pleasure to be the first comment
really nice,concise,and sensable topic
god bless u
c u later
bye

صاحب المضيفة said...

ربنا يرزقك بصاحب المفاتيح الثلاث في أقرب فرصة ممكنة يارب

ويارب يسعدك دنيا واخرة ويمن عليك بفضله وكرمه واحسانه يارب


بجد بجد


تلات مفاتيح رائعة وجميلة ومن أجمل ما قرأت اليوم


تحياتي ودعواتي لك بالتوفيق والسعادة

قلب ينبض لله said...

وإذا أجتمع ثلاث مفاتيح مع بعض
هنا بس قلبي حيسلم أمره

قريب أوي ان شاء الله قلبك هايسلم أمرك

A long distance said...

كلام جميل جدا
ربنا يوفقك باذن الله

مُصْعَب إِبْرَاهِيم said...

ربنا يكون في عونه علشان هيشيل سلسلة فيها تلات مفاتيح تقيلة!!

مُصْعَب إِبْرَاهِيم said...

بس ده أقل واجب :)

Unknown said...

w ba3daha ya saloumty 7at2oly 2alby w mofta7wo dol melk 2edeeeeeeeeeeeeeeeeeek tira ra ra tira raraaaa :P

Unknown said...

على فكره الموضوع مش صعب ولا حاجه هى طفاشة صغيرة وهتلاقى الثلاث أقفال مفتوحين
ساعة القضاء يعمى البصر :)

شيرين said...

أروع سلمى في حياتي.. ربنا يفتح ليكي وعليكي من غير مفاتيح
Je t"aime beaucouuuuuuuuuuuuuuuup

Wish I were a Butterfly ... said...

الكلمة الواحدة ممكن أي حد يقولها، لكن مش هتتحس غير من واحد بس حقيقي... ساعتها بجد أتمنى تسلمي قلبك و تسعدي في حياتك أوي
:)
بجد بتمناهالك من كل قلبي يا سلومة

حمامة said...

جميلة اوى
اهم حاجة انك حاطه قواعد
المهم متسلميش من كلمه

:)

wafaa said...

ربنا يوفقك
ويحمى قلبك من غدر الزمان

صوت من مصر said...

نحن لا ننتظر بل القدر ياتى لنا بما يشاء فلا تتعجلى وانتظرى الفرج ؟

حياتي كلها لله said...

السلام عليكم
ربنا يكرمك و تلاقي المفاتيح و صاحبها
مش سامعاك بتقولي امين يعني
ياريت تقبليني صديقة ليكي

Mustafa Şenalp said...

çok güzel site. :)

blue-wave said...

بس كدا الموضوع بقى صعب اوى:))