أول ما بسمع أغنية حالو يا حلو رمضان كريم يا حلو بتخطر على بالي ذكريات و أفكار كتير بفتكر الفانوس اللي كانت بتجيبوا جدتي ليه كل سنة بحن قوي لحضن بابا وهو بيقلي كل سنة وأنت طيبة وبفتكر لمتنا كلنا على السفرة على الفطار وحاجات ولقطات اكتر بتمر بسرعة قدامي..
بس السنة دي حاسة أنه حيكون رمضان مختلف و متفائلة بيه جدا وحاسه انه جاي وحيجيب الخير والفرج معاه مش عرفة ليه بس يمكن علشان مشتقا ليه و محتاجاه قوي ..
نفسي في حاجات كتير كتير كتير وطمعانة في كرمك يارب
يارب ....
يارب ...
يارب...
يارب أنت المطلع على في نفسي من غير ما أتكلم ، يارب اغفر وارحم وأنت خير الراحمين
بس السنة دي حاسة أنه حيكون رمضان مختلف و متفائلة بيه جدا وحاسه انه جاي وحيجيب الخير والفرج معاه مش عرفة ليه بس يمكن علشان مشتقا ليه و محتاجاه قوي ..
نفسي في حاجات كتير كتير كتير وطمعانة في كرمك يارب
يارب ....
يارب ...
يارب...
يارب أنت المطلع على في نفسي من غير ما أتكلم ، يارب اغفر وارحم وأنت خير الراحمين
14 comments:
كل سنه و انتي طيبه و يا رب ديما تكوني في احسن صحه و حال و ربنا ينولك كل ما تتمني يا احلي سلمي و انا مبسوطه جداااااااااااااا عشان انا اول وحده اكتب ليكي علي البلوج بتاعك;)
يا حبيبتى يا سلومه خاليتينى ادمع من كلامك الجميل ويارب يبقى رمضان خير عليكى وعلينا وعلى المسلمين وربنا يتقبل مننا ان شاء الله يا حبيبتى
ربنا يكرمك يا سلمى يا رب ويكون رمضان فتحت خير عليكي وعلى الناس كلها ان شاء الله وتحققي كل اللي بتتمنية يا رب ورمضان كريم
يااااااااااااااه
الله اكبر بسم الله بسم الله
الف مبروك للامة الاسلامية على البوست الرائع والف مبروك على حكاوي سلمى اللى هتسمعنا احلى حكاوي ...
مبروك البوست ومبروك على كل النت .
كل رمضان وانت اطيب
ربنا يعينا على الصيام والقيام ..
عم أحمد
كل سنة وانتي طيبة يا سوسو، وعلى فكرة انا كمان زيك متفائلة برمضان ده ، الله اعلم ليه؟!
ربنا يكرمك ويخلي لي والدتك واخوكي وكل الناس الي بتحبيهم.
ونفرح بيكي قريب :)))))
طبعا رمضان مختلف يا أحلى سلمى علشان احنا معاكي وحواليكي وانتي منورة في وسطنا (إلا واحدة طبعا ملهاش لازمة عارفة نفسها كويس) وصدقيني يا بنتي علشان انتي جميلة اوي ربنا هيديكي خير كتييييييييييييييييييييييير فوق ما تتخيلي وتحلمي.
كل سنة وانتي أحلى سلمى وكل الناس طيبين وسعداء ويارب حقق للناس كل ما تتمنى في حبك.
مامتك التانية
الرائعة جدا جدا سلمى حبيبة قلبي
بجد نورتي شبكة المعلومات الدولية
:))))
إن شاء الله رمضان يجيب لك معاه كل الخير اللي بتتمنيه.. ويتقبل منك ومنا جميعا يااااااااا رب
حالو يا حالو ... رمضان كريم يا حالو
كل سنة و انت في حال احسن من حال و في سعادة و هنا و راحة بال, و ان شاء الله ربنا يوهبك كل حاجة حلوه و ينولك كل ما تشتاقي و اكثر بكثير علشان الحلو يستاهل كل الحلو ...
اني احبك في الله
اهو جه ياولاد .. احلى بداية فعلاً .. و رمضان كريم
مبروك عليكى المدونة وعامر
واحلى حاجة فيكى انها لمسة وانتى سلمى وانتفعلا لمسة سلام ورقة ياسلمى .. ربنا يكرمك
..
منى سليم
كل سنة وانتي طيبة يا سلمى..
يا رب تلاقي فيه كل اللي انتي عاوزاه..
وأنت طيب يا مصعايبو و نفسي بس اقلك شكرا جدا على كل حاجة وخصوصا ان انت سبب وجود البلوج ده
نعم فأغاني استبشار قدوم رمضان تثير في نفس المرء ذكريات غطاها الغبار..
وتقبل الله أعمالنا وهدانا أجمعين، آمين
رب اغفر وارحم واعف وتكرم وتجاوز عما تعلم إنك تعلم ما لا نعلم إنك أنت الله الأعز الأكرم
برنامج عمرو خالد الساعة 5 و 11 على المحور والساعة 10 على الرسالة
صباح الفل يا سلومة.. مش عارف أقولك يا بنتي.. ولا يا طيبة وجميلة .. خليكي الطيبة الجميلة أحسن.. تعرف يا بت يا توتة.. أي حد يعرفك لازم يقولك انك جميلة.. ولو انك من الطبقة الأرستقراطية المتعنظزة .. اللي ساكنة في مصر الجديدة، وأحنا ولاد الغلابة اللي ساكنين في باب الشعرية والجمالية بس فيك جمال وطيبة ما شفتهمش قبل كده.
ورغم انك بنت ناس أوي إلا انك من الطبقة الكادحة جدا، ونصيرة للعمال والفلاحين والبنات والصبيان الحلوين والوحشيين.
سلومة.. تعيشي وتكتبي وكمان تعيشي وتكتبي وتتواصلي وتكبري في المقام..
مش عارف اقولك ايه.. بس حلو أوي واصلي
أحمد محمد
Post a Comment