في سنوات الأولى من عمرنا نجد دائما من يقوم بالاختيار نيابة عنا فنولد نجد أن أبوينا يقوموا بكل شيء بدل عنا وفي هذه السنوات ننعم براحة البال حتى نكتشف أن العالم أكبر بكثير من بيتنا الصغير الهادئ الجميل و نفقد رويدا رويدا إحساسنا بالأمان و نكتشف أن الحياة عبارة عن سلسلة من الاختيارات والتي تتباين في النهاية في أهميتها ولكنها تجتمع في النهاية لتشكل حياتك .
----------------------------------------------------
ولذلك أجد نفسي مع كل موقف يستدعي من مني اتخاذ قرار هام يتكرر معي نفس الشعور الغريب :
إحساس بعدم الراحة مع كل نفس يخرج من صدري، قلق ، عدم نوم من كثرة الأفكار التي تراودني و شعور بالاستياء من عدم قدرتي على حسم موقفي سريعا ...
وتأتي على خاطري رباعية رائعة لصلاح جاهين :
لا تجبر الإنسان و لا تخــيــــره
يكفيه ما فيه من عقل بيحيــــره
اللي النهارده يطلبه و يشتهـــيه
هو اللي بكره ح يشتهي يغيـــره
و عجبي !!
وأتساءل في كل مرة عن سبب هذه الحالة وهل أنا السبب لأني شخصية مترددة مثلا أم هي طبيعة بشرية يمر بها أي شخص عندما يوضع في موقف الاختيار ولكني لا أجد إجابة على سؤالي ..
12 comments:
سلمي
انت بجد اخترتي فأصبتى
انا كنت بفكر فى نفس الموضوع بنفس الاحساس والسؤال
بس انا شايف ان المشكلة بتكون ان دائما القرار بيكون بين حاجة عوزنه وحاجة احنا مش شيفنه أو فى علم الغيب
وهنا مكمن الحيرة
بس الحمد الله طلع فى واحد زى برده مش انا لوحدى
عادل طوبه
على فكرة الصورة جامده اوووووووووووووووي
عادل
ايه ده ده طلع فيه ناس زيى كتير بقى
اصل انا دايما اقف قدام المراية واقول زى شجرة الدر فى فيلم قطز "التردد داء الجنس البشرى"
لكن بشوية عقل هتلاقى ان كل ما تتعبى فى التفكير ويثقل نفسك القلق معناها انك بتيذلى المجهود حتى تصلى وهو المطلوب مافيش شىء كويس ابدا ييجى بالساهل
اولا احب ابدي اعجابي بالعنوان الي هوه عباره عن جزء من ضمن الاختيارات دي
لانه فكرني بفيلم "جواز بقرار جمهوري"وهي الحياه ايه غير شوية اختيارات فوق بعضها
وبرده فكرتني بالاعلان بتاع فودافون "تلعب بالشخليله ولا اليويو . اغسلك القميص ولا اكويلك البنطلون ......" كل ده من الاخيارات دي
ثانيا لكن لو انا قولتلك ان انا كمان عندي مشكله كبيره في الاختيار هتقولي ايه الناس الدخله بدل ما تعلق تجامل كله دلوقتي بئه عندو صعوبه في الاختيار
هههههه
ثالثا انا والله مش بعرف اختار بسرعه و اكبر دليل على كده الاكل اكبر عقده ةفي حياتي في الاختيار
رابعا واخيرا منى قالت"اصل انا دايما "انا عايز اسأل سؤال ....ايوه السؤال هوه علل واستفسر الاسباب ...هل انتي ديمة ولا دايما هههههههههه
(:
اخيار تدويني موفق
(:
سيما حبوبتي
كل الناس بتختار و كل الناس بتواجه نفس المشكلة بس الشاطر اللي يسيبها علي الله و يتحمل المخاطرة و يفوض امره لله ... أحسن طريقة و الله و حتي لو صادف و اخترتي حاجة مش صح أوي أكيد ربنا بيكونلو حكمة فيها و عايز يعلمنا حاجة احنا ممكن نكون مش شيفينها بنظرتنا الضيقة اوي ... أهم حاجة الواحد يفوض امره لله لانه في الاول و الاخر هو من عند الله
أختك شيرين محمد
أنا كمان بواجه نفس اللي أنت بتواجهيه وبكره جدا إن أكون في موضع اختيار .. وعلى فكرة السبب الأساسي هو الخوف .. دايما بسأل نفسي "ياترى أنا صح ولا غلط".. والسبب التاني هو التردد وعلى فكرة برغم إني شخصية مترددة أوي لكن في نفس الوقت مندفعة جدا في قراراتها
بس أنت عارفة الحل إننا نستعين بربنا أوي.. أنا دايما بقوله "يارب ماتخلنيش أندم على أي قرار آخده في حياتي ويارب متخلنيش أبدا في حيرة ونور بصيرتي"... والحمد الله ربنا ساترها معايا لحد دلوقتي
ياااه.. ايه الرغي ده كله.. كفاية عليكي كده .. صباحك حليب
:)
المشكلة الحقيقية واللي بتخلينا نقلق، ويمكن ده اللي مخليكي مسمية البوست "سلسلة" إن عند أي حلقة منهم الاختيار هيحدد شكل ومصير اختيارات أخرى كتير، وبالتالي أنا مش بأواجه موقف واحد بس وأنا بأختار،
أنا بأحاول أوزن كل الاختيارات اللي بعده اللي غالبا ما بأكونش عارفها
ياااااااااااااه
جيتي على الجرح اختبارات الحياة
انتى عارفه يا سلمى انا حاسس ان الحياة عمله زي مطلع جبل كل يوم قدام بنكتشف حاجات جديده وبنشوف حاجات جديده لحاد اما نمون نكون وصلنا لقمة الجبل ..
وفي الاخر نكتشف انه مكنش جبل ..
والله يا سلمي كلنا عندنا نفس المشكلة ومش بجامل والله بس في اوقات لازم القرار يتاخد وفورا وساعتها لازم الانسان يفكر كويس وميستناش انه يتردد
وكتير الانسان بيتحطفي مواقف لازم القرار في ساعتها حتى لو هيألم
فعلا يا سلمى
ربنا يعديها على خير
سلمى.
واللهي انا شايف ان اللي بيفكر في الحاجة مرتين مبيعملهاش . والي بيتردد وهو بيعدي الشارع العربيات بتشيله
مافيش احسن من مبدأ اعقلها وتوكل
خليها على الله واعملي اللي عليكي
انا كل ما يبقى في دماغي موضوع مش عارف اخد قرارا فيه او محيرني . كنت بعمل اللي يقولي عليه عقلي مش قلبي .
سوري القلب مش للتفكير . القلب عشان نحب ونقدر نكمل
هشام حمزة
الحيره سمه من سمات البشر ولولا الاختيار والمقارنه ماوصلت الدنيا الى ماهى عليه من تقدم وتقنيه وعلوم
Post a Comment